Kapayapaan

kapayapaan, Kapayapaan

TUNGKOL SA KAPAYAPAAN NA NAGMULA SA MGA BERSIKULO NA NASA BIBLIA:

Datapuwa’t ikaw ay payapang pasa sa iyong mga magulang; at ikaw ay malilibing sa mabuting katandaan.
– Genesis 15:15

Ang Panginoon ay magbibigay ng kalakasan sa kaniyang bayan; pagpapalain ng Panginoon ang kaniyang bayan ng kapayapaan.
– Mga Awit 29:11

Lumayo ka sa kasamaan, at gumawa ka ng mabuti; hanapin mo ang kapayapaan at habulin mo.
– Mga Awit 34:14

Nguni’t ang maamo ay magmamana ng lupain, at masasayahan sa kasaganaan ng kapayapaan.
– Mga Awit 37:11

Tandaan mo ang sakdal na tao, at masdan mo ang matuwid: sapagka’t may isang maligayang wakas sa taong may kapayapaan.
– Mga Awit 37:37

Dakilang kapayapaan ang tinatamo nila na nagsisiibig ng iyong kautusan. At sila’y walang kadahilanang ikatitisod.
– Mga Awit 119:165

Ako’y sa kapayapaan: nguni’t pagka ako’y nagsasalita, sila’y sa pakikidigma.
– Mga Awit 120:7

Pagka ang mga lakad ng tao ay nakapagpapalugod sa Panginoon, kaniyang tinitiwasay sa kaniya pati ng kaniyang mga kaaway.
– Mga Kawikaan 16:7

Panahon ng pag-ibig, at panahon ng pagtatanim; panahon ng digma, at panahon ng kapayapaan.
– Ang Mangangaral 3:8

Sapagka’t sa atin ay ipinanganak ang isang bata, sa atin ay ibinigay ang isang anak na lalake; at ang pamamahala ay maaatang sa kaniyang balikat: at ang kaniyang pangalan ay tatawaging Kamanghamangha, Tagapayo, Makapangyarihang Diyos, Walang hanggang Ama, Pangulo ng Kapayapaan.
– Isaias 9:6

Iyong iingatan siya sa lubos na kapayapaan, na ang pagiisip ay sumasa iyo: sapagka’t siya’y tumitiwala sa iyo.
– Isaias 26:3

At ang gawain ng katuwiran ay magiging kapayapaan; at ang bunga ng katuwiran ay katahimikan at pagkakatiwala kailan man.
– Isaias 32:17

At lahat mong anak ay tuturuan ng Panginoon; at magiging malaki ang kapayapaan ng iyong mga anak.
– Isaias 54:13

Sapagka’t kayo’y magsisilabas na may kagalakan, at papatnubayang may kapayapaan: ang mga bundok at ang mga burol ay magsisibulas ng pagawit sa harap ninyo, at ipapakpak ng lahat na punong kahoy sa parang ang kanilang mga kamay.
– Isaias 55:12

Walang kapayapaan, sabi ng aking Diyos, sa mga masama.
– Isaias 57:21

Ang daan ng kapayapaan ay hindi nila nalalaman: at walang kahatulan sa kanilang mga lakad: sila’y nagsigawa para sa kanila ng mga likong landas; sinumang lumalakad doon ay hindi nakakaalam ng kapayapaan.
– Isaias 59:8

Kanilang pinagaling din naman ng kaunti ang sugat ng aking bayan, na sinasabi, Kapayapaan, kapayapaan; gayon ma’y walang kapayapaan.
– Jeremias 6:14

Sapagka’t nalalaman ko ang mga pagiisip na aking iniisip sa inyo, sabi ng Panginoon, mga pagiisip tungkol sa kapayapaan, at hindi tungkol sa kasamaan, upang bigyan kayo ng pagasa sa inyong huling wakas.
– Jeremias 29:11

Narito, ako’y magdadala ng kagalingan at kagamutan, aking gagamutin sila; at ako’y maghahayag sa kanila ng di kawasang kapayapaan at katotohanan.
– Jeremias 33:6

Kagibaan ay dumarating; at sila’y magsisihanap ng kapayapaan, at wala doon.
– Ezekiel 7:25

Sa makatuwid baga’y ang mga propeta ng Israel, na nanganghuhula tungkol sa Jerusalem, at nangakakakita ng pangitaing kapayapaan para sa bayan, at walang kapayapaan, sabi ng Panginoong Diyos.
– Ezekiel 13:16

At sa kaniyang paraan ay kaniyang palulusugin ang pagdaraya sa kaniyang kamay; at siya’y magmamalaki ng kaniyang loob, at sa kanilang ikatitiwasay ay papatay ng marami: siya’y tatayo rin laban sa prinsipe ng mga prinsipe; nguni’t siya’y mabubuwal hindi ng kamay.
– Daniel 8:25

Sa panahon ng katiwasayan darating siya hanggang sa mga pinakamainam na dako ng lalawigan; at kaniyang gagawin ang hindi ginawa ng kaniyang mga magulang, o ng mga magulang ng kaniyang mga magulang; siya’y magbabahagi sa kanila ng huli, at samsam, at kayamanan: oo, siya’y hahaka ng kaniyang mga haka laban sa mga kuta, hanggang sa takdang panahon.
– Daniel 11:24

Narito, nasa ibabaw ng mga bundok ang mga paa niyang nangagdadala ng mga mabuting balita, na nangaghahayag ng kapayapaan! Ipagdiwang mo ang iyong mga kapistahan, Oh Juda, tuparin mo ang iyong mga panata; sapagka’t ang masama ay hindi na dadaan pa sa iyo; siya’y lubos na nahiwalay.
– Nahum 1:15

Ang aking tipan ay buhay at kapayapaan sa kaniya; at aking mga ibinigay sa kaniya upang siya’y matakot; at siya’y natakot sa akin, at siya’y nagpakababa sa aking pangalan.
– Malakias 2:5

Mapapalad ang mga mapagpayapa: sapagka’t sila’y tatawaging mga anak ng Diyos.
– Mateo 5:9

At kung karapatdapat ang bahay, ay dumoon ang inyong kapayapaan: datapuwa’t kung hindi karapatdapat, ay mabalik sa inyo ang kapayapaan ninyo.
– Mateo 10:13

Huwag ninyong isiping ako’y naparito upang magdala ng kapayapaan sa lupa: hindi ako naparito upang magdala ng kapayapaan, kundi tabak.
– Mateo 10:34

At gumising siya, at sinaway ang hangin, at sinabi sa dagat, Pumayapa, tumahimik ka. At humimpil ang hangin, at humusay na totoo ang panahon,
– Marcos 4:39

At sinabi niya sa kaniya, Anak, pinagaling ka ng pananampalataya mo; yumaon kang payapa, at gumaling ka sa salot mo.
– Marcos 5:34

Mabuti ang asin: datapuwa’t kung tumabang ang asin, ay ano ang inyong ipagpapaalat? Taglayin ninyo sa inyong sarili ang asin, at kayo’y magkaroon ng kapayapaan sa isa’t isa.
– Marcos 9:50

Upang liwanagan ang nangakalugmok sa kadiliman at sa lilim ng kamatayan; Upang itumpak ang ating mga paa sa daan ng kapayapaan.
– Lucas 1:79

Luwalhati sa Diyos sa kataastaasan, At sa lupa’y kapayapaan sa mga taong kinalulugdan niya.
– Lucas 2:14

At sinabi niya sa babae, Iniligtas ka ng iyong pananampalataya; yumaon kang payapa.
– Lucas 7:50

At sa alin mang bahay na inyong pasukin, ay sabihin ninyo muna, Kapayapaan nawa sa bahay na ito.
– Lucas 10:5

O kung hindi, samantalang malayo pa ang isa, ay magsusugo siya ng isang sugo, at hihilingin ang mga kailangan sa pagkakasundo.
– Lucas 14:32

Na sinasabi, Mapalad ang Hari na pumaparito sa pangalan ng Panginoon: kapayapaan sa langit, at kaluwalhatian sa kataastaasan.
– Lucas 19:38

At samantalang kanilang pinaguusapan ang mga bagay na ito, siya rin ay tumayo sa gitna nila, at sa kanila’y nagsabi, Kapayapaa’y suma inyo.
– Lucas 24:36

Ang kapayapaan ay iniiwan ko sa inyo; ang aking kapayapaan ay ibinibigay ko sa inyo: hindi gaya ng ibinibigay ng sanglibutan, ang ibinibigay ko sa inyo. Huwag magulumihanan ang inyong puso, ni matakot man.
– Juan 14:27

Ang mga bagay na ito ay sinalita ko sa inyo, upang kayo’y magkaroon sa akin ng kapayapaan. Sa sanglibutan ay mayroon kayong kapighatian: nguni’t laksan ninyo ang loob; aking dinaig ang sanglibutan.
– Juan 16:33

Sa lahat ninyong nangasa Roma, mga iniibig ng Diyos, tinawag na mangagbanal: Sumainyo nawa ang biyaya at kapayapaang mula sa Diyos na ating Ama at Panginoong Jesucristo.
– Mga Taga Roma 1:7

Kagibaan at kahirapan ang nasa kanilang mga daan; At ang daan ng kapayapaan ay hindi nila nakilala; Walang pagkatakot sa Diyos sa harap ng kanilang mga mata.
– Mga Taga Roma 3:16-18

Yaman nga na mga inaaring-ganap sa pananampalataya, mayroon tayong kapayapaan sa Diyos sa pamamagitan ng ating Panginoong Jesucristo;
– Mga Taga Roma 5:1

Sapagka’t ang kaisipan ng laman ay kamatayan; datapuwa’t ang kaisipan ng Espiritu ay buhay at kapayapaan.
– Mga Taga Roma 8:6

At paano silang magsisipangaral, kung hindi sila nga sinugo? gaya nga ng nasusulat, Anong pagkaganda ng mga paa niyaong mga nagdadala ng masasayang balita ng mga bagay na mabuti!
– Mga Taga Roma 10:15

Kung maaari, ayon sa inyong makakaya, ay magkaroon kayo ng kapayapaan sa lahat ng mga tao.
– Mga Taga Roma 12:18

Sapagka’t ang kaharian ng Diyos ay hindi ang pagkain at paginom, kundi ang katuwiran at ang kapayapaan at ang kagalakan sa Espiritu Santo.
– Mga Taga Roma 14:17

Kaya nga sundin ang mga bagay na makapapayapa, at ang mga bagay na makapagpapatibay sa isa’t isa.
– Mga Taga Roma 14:19

Puspusin nga kayo ng Diyos ng pagasa ng buong kagalakan at kapayapaan sa pananampalataya, upang kayo’y managana sa pagasa sa pamamagitan ng kapangyarihan ng Espiritu Santo.
– Mga Taga Roma 15:13

Ngayon ang Diyos ng kapayapaan ay sumainyo nawang lahat. Siya nawa.
– Mga Taga Roma 15:33

Sumainyo nawa ang biyaya at kapayapaang mula sa Diyos na ating Ama at sa Panginoong Jesucristo.
– 1 Mga Taga Corinto 1:3

Gayon ma’y kung humiwalay ang hindi sumasampalataya, ay bayaan siyang humiwalay: ang kapatid na lalake o kapatid na babae ay hindi natatali sa mga ganitong bagay: kundi sa kapayapaan kayo tinawag ng Diyos.
– 1 Mga Taga Corinto 7:15

Sapagka’t ang Diyos ay hindi Diyos ng kaguluhan, kundi ng kapayapaan. Gaya sa lahat ng mga iglesia ng mga banal,
– 1 Mga Taga Corinto 14:33

Sa katapus-tapusan, mga kapatid, paalam na. Mangagpakasakdal kayo; mangaaliw kayo; mangagkaisa kayo ng pagiisip; mangabuhay kayo sa kapayapaan: at ang Diyos ng pag-ibig at ng kapayapaan ay sasa inyo.
– 2 Mga Taga Corinto 13:11

Sumainyo nawa ang biyaya at kapayapaang mula sa Diyos na Ama, at sa ating Panginoong Jesucristo,
– Mga Taga Galacia 1:3

O hindi baga ninyo nalalaman na ang nakikisama sa patutot, ay kaisang katawan niya? sapagka’t sinasabi niya, Ang dalawa ay magiging isang laman.
– Mga Taga Galacia 6:16

Datapuwa’t ang bunga ng Espiritu ay pag-ibig, katuwaan, kapayapaan, pagpapahinuhod, kagandahang-loob, kabutihan, pagtatapat,
– Mga Taga Galacia 5:22

Sapagka’t siya ang ating kapayapaan, na kaniyang pinagisa ang dalawa, at iginiba ang pader na nasa gitna na nagpapahiwalay, Na inalis ang pagkakaalit sa pamamagitan ng kaniyang laman, kahit kautusan na may mga batas at ang palatuntunan; upang sa dalawa ay lalangin sa kaniyang sarili ang isang taong bago, sa ganito’y ginagawa ang kapayapaan;
– Mga Taga Efeso 2:14, 15

Na pagsakitan ninyong ingatan ang pakikipagkaisa sa Espiritu sa tali ng kapayapaan.
– Mga Taga Efeso 4:3

At ang inyong mga paa ay may panyapak na paghahanda ng evangelio ng kapayapaan;
– Mga Taga Efeso 6:15

Ang mga bagay na inyong natutuhan at tinanggap at narinig at nakita sa akin, ang mga bagay na ito ang gawin ninyo: at ang Diyos ng kapayapaan ay sasa inyo.
– Mga Taga Filipos 4:9

At sa pamamagitan niya ay pakipagkasunduin sa kaniya ang lahat ng mga bagay, na pinapayapa niya sa pamamagitan ng dugo ng kaniyang krus; sa pamamagitan niya, sinasabi ko, maging mga bagay sa kalupaan, o mga bagay sa sangkalangitan.
– Mga Taga Colosas 1:20

At maghari sa inyong puso ang kapayapaan ni Cristo, na diya’y tinawag din naman kayo sa isang katawan; at kayo’y maging mapagpasalamat.
– Mga Taga Colosas 3:15

Nguni’t kayo, mga kapatid, ay wala sa kadiliman, upang sa araw na yaon ay masubukan kayong gaya ng magnanakaw:
– 1 Mga Taga Tesalonica 5:4

Datapuwa’t layuan mo ang masasamang pita ng kabinataan, at sundin mo ang kabanalan, ang pananampalataya, ang pag-ibig, ang kapayapaan, kasama ng mga nagsisitawag sa Panginoon mula sa pusong malinis.
– 2 Timoteo 2:22

Sundin ninyo ang kapayapaan sa lahat ng mga tao, at ang pagpapakabanal na kung wala ito’y sinuman ay di makakakita sa Panginoon:
– Mga Hebreo 12:14

Ngayon ang Diyos ng kapayapaan na muling nagdala mula sa mga patay sa dakilang pastor ng mga tupa sa pamamagitan ng dugo ng walang hanggang tipan, sa makatuwid baga’y ang Panginoon nating si Jesus,
– Mga Hebreo 13:20

Namumunga ng katuwiran ang binhi ng kapayapaang itinatanim ng taong maibigin sa kapayapaan.
– Santiago 3:18

At tumalikod siya sa masama, at gumawa ng mabuti; Hanapin ang kapayapaan, at kaniyang sundan.
– 1 Pedro 3:11

At may lumabas na ibang kabayo, na kabayong mapula: at ang nakasakay dito, ay pinagkaloobang magalis sa lupa ng kapayapaan, at upang mangagpatayan ang isa’t isa: at binigyan siya ng isang malaking tabak.
– Pahayag 6:4

Review
  • Kapayapaan
5
Sending
User Review
5 (1 vote)

Comments

comments

Leave a Reply