TUNGKOL SA MAGPAHINGA SA PANGINOON MULA SA MGA BERSIKULO NA NASA BIBLIA:
At kaniyang sinabi, Ako’y sasaiyo, at ikaw ay aking bibigyan ng kapahingahan.
– Exodo 33:14
Sabihin mo sa bataang magpauna sa atin (at siya’y nagpauna,) nguni’t tumigil ka sa oras na ito, upang maiparinig ko sa iyo ang salita ng Diyos.
– 1 Samuel 9:27
Ang lupain ay nasa harap pa natin, sapagka’t ating hinahanap ang Panginoon nating Diyos; ating hinanap siya, at binigyan niya tayo ng kapahingahan sa lahat ng dako. Sa gayo’y kanilang itinayo at nagsiginhawa.
– 2 Mga Cronica 14:7
Kayo’y magsipanginig, at huwag mangagkasala: mangagbulaybulay kayo ng inyong puso sa inyong higaan, at kayo’y magsitahimik.
– Mga Awit 4:4
Magantay ka sa Panginoon: ikaw ay magpakalakas, at magdalang tapang ang iyong puso; Oo, umasa ka sa Panginoon.
– Mga Awit 27:14
Ikaw ay magpahinga sa Panginoon, at maghintay kang may pagtitiis sa kaniya: huwag kang mabalisa ng dahil sa kaniya na gumiginhawa sa kaniyang lakad, dahil sa lalake na nagpapangyari ng mga masamang katha.
– Mga Awit 37:7
Aking hinintay na may pagtitiis ang Panginoon; at siya’y kumiling sa akin, at dininig ang aking daing.
– Mga Awit 40:1
Kayo ay magsitigil at kilalanin ninyo na ako ang Diyos:
– Mga Awit 46:10
Ilagay mo ang iyong pasan sa Panginoon, at kaniyang aalalayan ka: hindi niya titiising makilos kailan man ang matuwid.
– Mga Awit 55:22
Magsitiwala kayo sa kaniya buong panahon, kayong mga bayan; buksan ninyo ang inyong dibdib sa harap niya; Diyos ay kanlungan sa atin. (Selah)
– Mga Awit 62:8
Iyong iingatan siya sa lubos na kapayapaan, na ang pagiisip ay sumasa iyo: sapagka’t siya’y tumitiwala sa iyo.
– Isaias 26:3
Sa pagbabalik at sa pagpapahinga ay matitiwasay kayo; sa katahimikan at sa pagasa ay magiging ang inyong lakas. At hindi ninyo inibig.
– Isaias 30:15
At ang gawain ng katuwiran ay magiging kapayapaan; at ang bunga ng katuwiran ay katahimikan at pagkakatiwala kailan man.
– Isaias 32:17
Nguni’t silang nangaghihintay sa Panginoon ay mangagbabagong lakas; sila’y paiilanglang na may mga pakpak na parang mga aguila; sila’y magsisitakbo, at hindi mangapapagod; sila’y magsisilakad, at hindi manganghihina.
– Isaias 40:31
Mapalad ang tao na tumitiwala sa Panginoon, at ang pagasa ay ang Panginoon.
– Jeremias 17:7
Sapagka’t nalalaman ko ang mga pagiisip na aking iniisip sa inyo, sabi ng Panginoon, mga pagiisip tungkol sa kapayapaan, at hindi tungkol sa kasamaan, upang bigyan kayo ng pagasa sa inyong huling wakas.
– Jeremias 29:11
Ang Panginoon ay mabuti sa kanila na nangaghihintay sa kaniya, sa kaluluwa na humahanap sa kaniya. Mabuti nga na ang tao ay umasa at maghintay na tahimik sa pagliligtas ng Panginoon.
– Mga Panaghoy 3:25,26
Magsiparito sa akin, kayong lahat na nangapapagal at nangabibigatang lubha, at kayo’y aking papagpapahingahin. Pasanin ninyo ang aking pamatok, at magaral kayo sa akin; sapagka’t ako’y maamo at mapagpakumbabang puso: at masusumpungan ninyo ang kapahingahan ng inyong mga kaluluwa. Sapagka’t malambot ang aking pamatok, at magaan ang aking pasan.
– Mateo 11:28-30
At ang kapayapaan ng Diyos, na di masayod ng pagiisip, ay magiingat ng inyong mga puso at ng inyong mga pagiisip kay Cristo Jesus.
– Mga Taga Filipos 4:7
Gayon ma’y hindi ako nahihiya; sapagka’t nakikilala ko yaong aking sinampalatayanan, at lubos akong naniniwalang siya’y makapagiingat ng aking ipinagkatiwala sa kaniya hanggang sa araw na yaon.
2 Timoteo 1:12
Na inyong ilagak sa kaniya ang lahat ng inyong kabalisahan, sapagka’t kayo’y ipinagmamalasakit niya.
– 1 Pedro 5:7
Visitor Rating: 5 Stars